Treoirchomhairliú i Scoileanna

1. Treoir san oideachas
2. Comhairliúchán treorach ar feadh an tsaoil, creat agus plean gníomhaíochta
3. Oiliúint agus cáilíochtaí do threoirchomhairleoirí in iar-bhunscoileanna
4. Ciorcláin, nótaí faisnéise, uirlisí measúnachta agus foilseacháin eile
5. Tacaíocht scoile fhoireann treorach Oide
6. Scéim um maoirseacht ar threoirchomhairleoireacht
7. Grúpa Beartais Náisiúnta ag tacú le dul chun cinn na treorach ar feadh an tsaoil

8. An reachtaíocht agus ráitis bheartais faoi threoir
9. Naisc chuig eolas, uirlisí agus imeachtaí a bhaineann le treoir
10. Grúpa beartais náisiúnta maidir le treoir ar feadh an tsaoil
11. Athbhreithniú Indecon ar uirlisí agus eolas gairmthreorach
12. Seirbhís treorach do na Scoileanna Eorpacha
13. Sonraí Teagmhála

Treoir san oideachas

Trí threoir, réitítear an bealach do dhaoine le linn a saoil chun a roghanna oideachasúla, oiliúna, gairme, pearsanta, sóisialta undefined agus saoil a bhainistiú ionas go mbainfidh siad barr a gcumais amach ar mhaithe le sochaí níos fearr a fhorbairt.

Tagraíonn treoir i scoileanna do raon d’eispéiris foghlama, a sholáthraítear in ord forbarthach, a chabhraíonn le scoláirí scileanna féinbhainistíochta a fhorbairt, agus dá bharr sin, déanfar roghanna agus cinntí éifeachtacha faoina saol. Cuimsíonn na heispéiris sin trí réimse atá éagsúil ach nasctha le chéile, is iad sin forbairt phearsanta agus shóisialta, treoir oideachasúil, agus gairmthreoir.

Is teidlíocht í treoir in iar-bhunscoileanna de réir Alt 9 (c) den Acht Oideachais (1998), a deir go n-úsáidfidh scoileanna na hacmhainní atá ar fáil dóibh lena chinntiú go mbeidh rochtain ag scoláirí ar threoir chuí chun cabhrú leo i dtaca lena roghanna oideachais agus gairme.

Is gníomhaíocht scoile uile í treoir in iar-bhunscoileanna atá comhtháite i ngach clár scoile sa tSraith Shóisearach agus sa tSraith Shinsearach araon agus tacaíonn sí le scoláirí ón gcéad bhliain go dtí an séú bliain.

Níl aon fhoráil fhoirmiúil ann faoi láthair maidir le treoir i mbunscoileanna sa chomhthéacs ar feadh an tsaoil. Ach, laistigh den Phlean Gníomhaíochta atá in éineacht leis an gCreat Straitéiseach Náisiúnta um Threoir ar Feadh an tSaoil (2024-2030) , déantar foráil i nGníomh 2.5 le ‘cur chuige scoile uile’ a thabhairt isteach i leith treorach ar leibhéal na bunscoile roimh 2030.

Comhairliúchán treorach ar feadh an tsaoil, creat agus plean gníomhaíochta

An Creat Straitéiseach Náisiúnta um Threoir ar feadh an tSaoil (2024-2030)

Íoslódáil

Amharc

An Creat Straitéiseach Náisiúnta um Threoir ar feadh an tSaoil: Plean Gníomhaíochta Straitéiseach (2024-2030)

Íoslódáil

Amharc

Comhairliúchán náisiúnta ar chreat straitéiseach um threoir ar feadh an tsaoil

Tuairisc ar na príomhtheachtaireachtaí a tháinig chun cinn Nollaig 2023

Íoslódáil

Amharc

Oiliúint agus cáilíochtaí do threoirchomhairleoirí in iar-bhunscoileanna

Chun oibriú mar threoirchomhairleoir san earnáil iar-bhunscoile, tá décháilíocht ag teastáil: cáilíocht teagaisc don iar-bhunscoil (atá aitheanta ag an gComhairle Mhúinteoireachta) agus cáilíocht treoirchomhairleoireachta (atá aitheanta ag an Roinn Oideachais).

Cáilíochtaí Treoirchomhairleoirí

I gCiorclán 0044/2019 , leagtar amach na riachtanais a bhaineann le hearcú, clárú agus cáilíochtaí múinteoirí. Is ionann i gcónaí, mar atá leagtha amach sna Ciorcláin maidir le Socruithe Foirne a eisíodh le déanaí, go gcaithfidh cáilíocht iar-bhunscoile ag duine atá á c(h)eapadh mar threoirchomhairleoir iar-bhunscoile agus go gcaithfidh sé/sí a bheith cláraithe leis an gComhairle Mhúinteoireachta, agus chomh maith leis sin, go gcaithfidh an cháilíocht aitheanta ábhartha d’obair treoirchomhairleoireachta a bheith aige/aici.

Gníomhaíochtaí an treoirchomhairleora

Is féidir teacht ar fhaisnéis freisin maidir leis na cáilíochtaí treoirchomhairleoireachta atá aitheanta ag an Roinn Oideachais anseo .

Tá mionsonraí maidir le roinnt samplaí de na gníomhaíochtaí éagsúla a bhaineann le hobair an treoirchomhairleora, ar leathanach den Creat Aitheantais Cláir .

Tá ocht gcinn de réimsí inniúlachta ar cheart go dtabharfadh soláthraithe cláir aghaidh orthu agus iad ag lorg aitheantais ón Roinn Oideachais (RO) nó ón Roinn Breisoideachais agus Ardoideachais, Taighde, Nuálaíochta agus Eolaíochta (RBATNE) dá gcláir sa treoirchomhairleoireacht:

Teoiric na treorach agus cleachtas gairmiúil;
Scileanna comhairleoireachta i gcomhthéacs na treorach;
Faisnéis a bhaineann leis an margadh saothair, le foghlaim agus le gairmeacha;
Teagasc agus foghlaim: cláir/eispéiris foghlama a dhearadh, a sholáthar agus a mheas;
Cumarsáid, comhoibriú agus líonrú;
Taighde agus cleachtas bunaithe ar fhianaise;
Ag treorú agus ag bainistiú na seirbhíse treorach agus;
Tástáil shíciméadrach.

Déanfar athbhreithniú ar an gCreat Aitheantais Cláir in am trátha.

Faoi láthair in Éirinn, tá cláir mháistreachta/dioplóma iarchéime á soláthar ag trí ollscoil atá faofa ag an RO:

Ollscoil Chathair Bhaile Átha Cliath;
Ollscoil Mhá Nuad agus;
Ollscoil Luimnigh.

Aithnítear céimithe ó chláir eile a d’fheidhmigh sa Choláiste Ollscoile, Baile Átha Cliath, i gColáiste na Tríonóide agus i gColáiste na hOllscoile, Corcaigh.

Ciorcláin, nótaí faisnéise, uirlisí measúnachta agus foilseacháin eile

Ciorcláin

Nótaí Faisnéise

Uirlisí measúnachta agus tástálacha don treoir

Ciorclán 0001/2023 - Comhairle maidir le húsáid uirlisí measúnachta/tástálacha don Treoir nó do riachtanais bhreise agus do riachtanais speisialta oideachais (RSO) in iar-bhunscoileanna

Foilseacháin

Tacaíocht scoile fhoireann treorach Oide

Soláthraínn an Fhoireann Gairmthreorach in Oide tacaíocht do scoileanna maidir le pleanáil agus dea-chleachtas don Treoir Scoile Uile trí dheiseanna d'Eispéiris Foghlama Gairmiúla agus tacaíochtaí Scoile saincheaptha a chur ar fáil. Is féidir áit a chur in áireamh ar chúrsa nó iarratais ar seirbhís tacaíochta a chur isteach trí Oide.ie

Is féidir teagmháil a dhéanamh leis an bhFoireann Threorach ar info@oide.ie

Scéim um maoirseacht ar threoirchomhairleoireacht

Leis an scéim um maoirseacht ar threoirchomhairleoireacht, éascaítear é do threoirchomhairleoirí atá ag obair i scoileanna dara leibhéal agus i gcoláistí breisoideachais chun tabhairt faoi mhaoirseacht ghairmiúil a dhéanamh ar a gcuid oibre treoirchomhairleoireachta, agus go háirithe ar a ngníomhaíochtaí treoirchomhairleoireachta pearsanta/ sóisialta duine le duine a bhíonn ar siúl acu le scoláirí.

Tá an mhaoirseacht ar threoirchomhairleoireacht faoi chathaoirleacht naRannóige um Oideachas Múinteoirí (TES) sa Roinn Oideachais agus á riar trí Ionad Oideachais Mhuineacháin. Tá ball den Chigireacht um Threoir agus ball den Aonad um Threoir de chuid an RO a dhéanann ionadaíocht freisin don RO ar an gcoiste stiúrtha um maoirseacht.

Eagraíonn Institiúid na dTreoirchomhairleoirí suíomh agus am na seirbhíse tacaíochta treorach ar an leibhéal áitiúil ar fud na tíre.

Déanann maoirseoir comhairleoireachta gairmiúil atá cáilithe an tseirbhís a sheachadadh trí shraith de chúig sheisiún de thacaíocht mhaoirseachta ar threoirchomhairleoireacht i ngach bliain acadúil, ar seisiúin iad a mhaireann dhá uair an chloig an ceann.

Dá bhrí sin, gheobhaidh gach treoirchomhairleoir 10 n-uair an chloig ar a laghad de mhaoirseacht le linn na bliana acadúla, agus cuirfear teastas tinrimh cuí ar fáil dó nó di ag deireadh mhí na Bealtaine. D’fhéadfaí seisiúin bhreise a lorg i gcásanna áirithe, mar shampla, má tharlaíonn teagmhas criticiúil i scoil.

Grúpa Beartais Náisiúnta ag tacú le dul chun cinn na treorach ar feadh an tsaoil

Preasráiteas: Fógraíonn an tAire Foley bunú an Ghrúpa Beartais Náisiúnta um Threoir ar Feadh an tSaoil

Cuireadh grúpa comhairleach ar leith le chéile chun comhairle a chur maidir leis an bhforbairt ar an gCreat Straitéiseach Náisiúnta um Threoir ar Feadh an tSaoil agus an Plean Gníomhaíochta Straitéiseach atá in éineacht leis.

Is mian leis an nGrúpa Beartais Náisiúnta buíochas a ghabháil le baill an ghrúpa chomhairligh as a n-ionchur oilte agus suntasach.

Tá ionadaíocht déanta ag na heagraíochtaí seo a leanas ar an ngrúpa comhairleach:

AGA – An Cumann Treorach d’Aosaigh
AHEAD – An Cumann um Rochtain ar Ardoideachas & Míchumas
AHECS – Cumann na Seirbhísí Gairmeacha Ardoideachais
RBATNE – An Roinn Breisoideachais agus Ardoideachais, Taighde, Nuálaíochta agus Eolaíochta
RO – An Roinn Oideachais
BOOÉ – Boird Oideachais agus Oiliúna na hÉíreann
IBEC – Cónaidhm Ghnó agus Fhostóirí na hÉireann
IGC – Institiúid na dTreoirchomhairleoirí
INOU – Eagraíocht Náisiúnta na hÉireann do Dhaoine Dífhostaithe
JMB – Comhchomhlacht Bainistíochta
Ollscoil Mhá Nuad (An Roinn Oideachais d’Aosaigh agus Pobail)
Seirbhís Gairmeacha Choláiste na Tríonóide

An reachtaíocht agus ráitis bheartais faoi threoir

Tá roinnt reachtaíochta, ráitis bheartais, ciorclán agus cáipéisí foilsithe ag an Oireachtas, an Roinn Oideachais agus an Roinn Breisoideachais agus Ardoideachais, Taighde, Nuálaíochta agus Eolaíochta a bhaineann go díreach nó go hindíreach le soláthar treorach in Éirinn.

Cuireann go leor Rún, Moltaí agus Cinntí de chuid Chomhairle an AE tagairt do threoir san áireamh taobh istigh den chomhthéacs níos leithne a bhaineann le sainoideachas, oiliúint agus beartais maidir le margadh an tsaothair.

Ó 2008 – 2015 bhí an Líonra Beartais Eorpaigh do Threoir ar feadh an tSaoil (ELGPN) maoinithe ag an gCoimisiún Eorpach chun ballstáit an AE a thabhairt le chéile chun forbairt bheartais do threoir a aithint, a fhorbairt agus tacú leis an bhforbairt sin. Ba lánbhall de ELGPN í Éire ó 2011-2015.

Bunaíodh an Fóram Náisiúnta ar Threoir in 2004 mar chuid den chlár imeachtaí d’Uachtaránacht na hÉireann ar an Aontas Eorpach. Ba chomhthionscnamh é ar thug an Roinn Fiontar, Trádála agus Fostaíochta agus an Roinn Oideachais agus Eolaíochta faoi. Ba iad téarmaí tagartha an Fhóraim ná:

1) Iniúchadh a dhéanamh ar an mbealach ar féidir le daoine aonair, ag aon phointe dá saol, rochtain a fháil ar threoir ar ardchaighdeán a oireann dá riachtanais;

2) Gníomhaíocht chomhoibríoch a aithint trasna an chontanaim treorach;

3) Aontú ar mholtaí maidir le straitéis do threoir ar feadh an tsaoil i gcomhar le páirtithe leasmhara eile.

Cáipéisí beartais úsáideacha agus acmhainní:

An Fóram Náisiúnta do Threoir

FNT – Treoir don Saol

Láithreáin úsáideacha eile

Naisc chuig eolas, uirlisí agus imeachtaí a bhaineann le treoir

Imeachtaí Treorach

Imeachtaí idirnáisiúnta

Imeachtaí Náisiúnta

Grúpa beartais náisiúnta maidir le treoir ar feadh an tsaoil

Ba mhaith leis an Ghrúpa Beartais Náisiúnta buíochas a ghabháil leis an nGrúpa Comhairleach as a rannchuidiú saineolach leis an bhfoilseachán seo. Chuir an Grúpa Comhairleach go mór le hábhar an Chreata seo. Bhí ionadaíocht ag na heagraíochtaí seo a leanas ar an ngrúpa seo:

• AGA- Adult Guidance Association

• AHEAD – Association for Higher Education Access & Disability

• AHECS – Association of Higher Education Careers Services

• RBATNE – Roinn Breisoideachais agus Ardoideachais, Taighde, Nuálaíochta agus Eolaíochta

• RO – An Roinn Oideachais

• BOOE – Boird Oideachais agus Oiliúna Éireann

• IBEC – Irish Business and Employers Confederation

• IGC – Institute of Guidance Counsellors

• INOU – Irish National Organisation of the Unemployed

• JMB – Joint Managerial Body

• Maynooth University (Department of Adult and Community Education)

• Trinity Careers Service

Preasráiteas: Fógraíonn an tAire Foley bunú an Ghrúpa Beartais Náisiúnta um Threoir ar feadh an tSaoil

Athbhreithniú Indecon ar uirlisí agus eolas gairmthreorach

Seirbhís treorach do na Scoileanna Eorpacha

Cuireann an Roinn Oideachais maoiniú ar fáil don rochtain ar threoir chuí do leanaí shaoránaigh Éireannacha atá cláraithe sna 13 Scoil Eorpach i 6 thír Eorpach.

Déanann Roinn Oideachais na hÉireann an tseirbhís a chomhordú agus déanann treoirchomhairleoirí cáilithe atá aitheanta ag an Roinn an tseirbhís a sholáthar.

Léigh tuilleadh faoi na Scoileanna Eorpacha ANSEO

Tionscnamh a bhfuil sé mar aidhm aige cuidiú leat do scileanna agus do cháilíochtaí a dhéanamh éasca le tuiscint san Eoraip - cibé más ag clárú le haghaidh cláir oideachais nó oiliúna, ag lorg poist, nó ag fáil taithí thar lear, atá tú.

Seirbhís Treorach na hÉireann do na Scoileanna Eorpacha Fógra Príobháideachta

Íoslódáil

Treoirchomhairleoirí Comhlacha do 2022/23

Tá léirithe spéise á éileamh ag an Roinn Oideachais ó Threoirchomhairleoirí a bhfuil spéis acu a bheith ar phainéal Treoirchomhairleoirí Comhlacha do 2022/23 a chuirfidh Seirbhís Tacaíochta Treorach na Scoileanna Eorpacha ar fáil do leanaí saoránaigh Éireannacha atá ag freastal ar na Scoileanna Eorpacha.

Is é an spriocdháta chun foirmeacha léirithe spéise a sheoladh ar ais ná 5pm Dé Céadaoin 19 Deireadh Fómhair 2022. Is féidir foirmeacha a iarraidh ó guidance@education.gov.ie

Chun tuilleadh eolais a fháil faoin tseirbhís seo féach thíos.

Sonraí Teagmhála

guidance@education.gov.ie